Сырым аудандық мәслихатының ХХХХІІІ сессиясы өтіп, Сырым ауданының әкімі Төлеген Төреғалиев мәслихат депутаттары алдында 2019 жылдың І жартыжылдығындағы ауданның әлеуметтік – экономикалық дамуы жөнінде есеп берді. Сессияға облыстық мәслихаттың депутаты Ғанимат Нұрмұханов, Батыс Қазақстан облысының әкімі Ғали Есқалиевтің Сырым ауданындағы қоғамдық өкілі Есберген Әжібаев, Сырым аудандық мәслихатының хатшысы Шынар Дүйсенғалиева қатысты.

Аудан әкімі Т.Төреғалиев Қособа ауылдық округінің әкімі Ж.Сатаевтың уәкілеттігі тоқтауына байланысты ауыл әкімі қызметіне үміткерлерді таныстырған болатын.

19.06.2019 жыл. 

Сырым ауданы Қособа ауылдық округтерінің әкімдеріне үміткерлердің сайлау алдындағы үгіт жүргізу мақсатында тыңдаушылармен (мәслихат депутаттарымен) кездесу өтті.

23.05.2019жыл. 

Аудан әкімдігінің үлкен мәжіліс залында аудандық мәслихаттың кезекті ХХХХ сессиясы өтіп, оған аудандық мәслихаттың хатшысы Шынар Дүйсенғалиева төрағалық етті.

Сырым ауданында «Nur Otan» партиясының 20 жылдығы және мәслихаттың 25 жылдығына орай салтанатты шара өтті. Мәслихаттың барлық шақырылымындағы депутаттар бас қосып, Сырым, Алаш саябақтарына, Қадыр алаңына аялдап, гүл шоқтарын қойды. Ауған соғысының ардагерлеріне арналған саябақта ағаш көшеттерін отырғызды. Музейді аралап, жәдігерлердің тарихи сырларына қанықты.

Тәуелсіз еліміз үлкен тарихи кезеңді бастан өткеруде. Мемлекетімізді азат ел ретінде қалыптастырған әлемдік деңгейдегі саяси қайраткер, ҚР Тұңғыш Президенті Нұрсұлтан Назарбаев атқарған еңбегі тұтас бір тарихи кезеңді қамтиды. Биылғы жыл еліміз үшін елеулі оқиғаларға толы жыл болды.

Бүгін Сырым ауданында «Nur Otan» партиясының 20 жылдығы мен ҚР Мәслихатының 25 жылдығына арналған дзюдо күресінен 2007 – 2009 жылы туылға жасөспірімдер арасында аудандық ашық турнир басталды. Турнирге Сырым ауданының ауылдық округтерінен бөлек, Қаратөбе, Теректі, Атырау облысының Қызылқоға аудандарының және Орал қаласының, Орал қаласындағы № 4 балалар мен жасөспірімдер спорт мектебі мен Орал жекпе – жек мектебінің жас дзюдошылары қатысуда.