19.06.2019 жыл. 

Сырым ауданы Қособа ауылдық округтерінің әкімдеріне үміткерлердің сайлау алдындағы үгіт жүргізу мақсатында тыңдаушылармен (мәслихат депутаттарымен) кездесу өтті.

Ауыл әкімдеріне үміткерлермен кездесуге аудандық мәслихат хатшысы Ш.Дүйсенғалиева, аудандық мәслихаттың депутаттары, аудан әкімінің орынбасары, аудандық сайлау комиссиясының төрағасы Ө.Уашев қатысты. Күн тәртібіне Қособа ауылдық округі әкіміне үміткерлердің тыңдаушылармен кездесуі мәселесі қойылды. Аталған мәселе бойынша Қособа ауылдық округі әкіміне үміткерлер Б.Жайманов, Д.Тайшиев, С.Тоқмамбетов сайлау алды бағдарламаларымен таныстырды.Сайлауалды бағдарламаларда жалпылай алғанда ауылдық округ халқының әл – ауқатын арттыру бағытында қызмет ету, ауыл тұрғындарының денсаулығын жақсарту, медициналық қызмет көрсетудің сапасын арттыру жұмыстарын жақсарта түсу қарастырылған.