Аудан әкімі Төлеген Төреғалиев аудандық мәслихат аппаратының басшылығынан зейнеткерлікке шыққан Жолдыбай Батырниязовты қабылдап, зейнетке шығуымен құттықтады. Жиынға аудан әкімімен қатар Ж. Жанатауұлымен қызметтес болған әріптестері қатысты. Ардагер мемлекеттік қызметкерге аудан әкімі және аудандық мәслихат хатшысы атынан шапан жабылып, облыстық мәслихат басшысы атынан алғыс хат табысталды.

Одан бөлек, аудандық ардагерлер кеңесінің төрағасы Әнуар Ғалымов пен ардагер мемлекеттік қызметші Сержан Бейсембиев сөз сөйлеп, Жолдыбай Жаңатауұлының жұмыс барысындағы әдемі естеліктерімен бөлісті. Жолдыбай Батырниязов бұған дейін аудандық мәслихат аппаратының басшысы қызметін атқарып келді.

тілші, Батырбек ЖАНБОЛАТОВ