Бүгін Батыс Қазақстан облыстық мәслихатының хатшысы Бибігүл Қонысбаева жұмыс сапарымен Сырым ауданына келді.

Жұмыс сапарын ауданның ауылдық округтеріндегі инфрақұрылым жұмыстарымен танысудан бастады.

Атап айтар болсақ, Алғабас ауылдық округіндегі бір қатар нысандар, 15 тұрғын үй алаңына инженерлік коммуникациялар желісін тарту құрылыс жұмыстары, "Nur Otan" партиясының 2021 жылғы сайлауалды бағдарламасының тізіміне енген 10 тұрғын үй құрылыс жұмыстары, елді-мекендерді сумен қамту жұмыстарымен, Алғабас ауылындағы мәдениет үйінінің жай күйімен және жаңадан бой көтергелі отырған шағын маркеттің құрылыс барысымен танысып қайтты.

Кеңащы топтық су құбырының жұмысымен танысу үшін Жымпиты ауылдық округіне қарасты "Данил" нүктесіндегі су құбырлары, Бұлан ауылдық округіне екі шақырым кірме жол, ұялы байланыс,

фельдшерлік-акушерлік пункті, балаларға арналған жазғы демалыс лагері секілді жұмыстардың барысы айтылды.

Жымпитыдағы "Балалар-жасөспірімдер" шығармашылық орталығындағы үйірме шәкірттерінің жұмыстары мен жетістіктеріне аталмыш орталық басшысы Н.Жәңгірханов тоқталса, "Қайсар" спорт клубының директоры Е.Мұқанов аудан халқының спортқа деген көзқарасының оң екендігін, аталмыш спорт клубының шәкірттері де осал емес екендігін тілге тиек етті.

Аудан әкімдігінің үлкен мәжіліс залында Сырым аудандық мәслихат хатшысы Шынар Дүйсенғалиева ағымдағы жылдың 5 айында атқарылған жұмыстардың жай-жапсарын баяндады.

Атап айтар болсақ, сайлауалды бағдарламаларға сәйкес депутаттардың атқарған нәтижелі жұмыстары аталды.

Жиын соңында облыстық мәслихат хатшысы тұрғындарға жеке қабылдау жүргізіп, сұрақтарға тұшымды жауап берді.

Бибігүл Тишанқызы аудан ахуалымен, депутат әріптестерінің тыңғылықты жұмыстарымен танысып, өзінің ризашылығын білдіріп, ауданымыздағы жасалып жатырған жұмыстарға сәттілік тіледі.

⠀

Тілші, Айжан АМАНГЕЛДИНА,

Сырым ауданы