2014 жылдың 27 қарашасы күні аудандық мәслихаттың кезекті ХХІҮ сессиясы болып өтті.

Сессияға аудандық мәслихаттың 12 депутатынан 9 депутат, аудан әкімінің орынбасары Саркулов Асланбек Ахметоллаұлы, аудан әкімі аппаратының басшысы, дербес бөлім басшылары, аудан орталығындағы мекеме басшылары, қоғамдық ұйымдар мен бұқаралық ақпарат құралдарының өкілдері тізім бойынша қатысты.

Сессияны аудандық мәслихаттың хатшысы, №4 Бұлан сайлау округінен депутат  А. Галимов ашып жүргізді.

Сессияның күн тәртібінде төмендегі мәселелер қаралды:

1. «Қазақстан Республикасының тілдерді қолдау мен дамытудың 2011-2020 жылдарға арналған бағдарламасын» орындаудағы аудандық мәдениет, тілдерді дамыту және дене шынықтыру бөлімінің атқарылған жұмыстары туралы.

Баяндамашы: С.Нурпейсов - аудандық мәдениет, тілдерді дамыту, дене шынықтыру және спорт бөлімінің  басшысы.

2. Сырым аудандық мәслихатының 2013 жылғы 25 желтоқсандағы №16-2 «2014-2016 жылдарға арналған аудандық бюджет туралы» шешіміне өзгерістер енгізу туралы.

Хабарламашы: М.Шалабаев - аудандық экономика және бюджет бөлімінің басшысы.

3. Сырым аудандық мәслихатының 2014 жылғы 30 сәуірдегі №19-2 «2014 жылы Сырым ауданының ауылдық елді мекендеріне жұмыс істеуге және тұруға келген денсаулық сақтау, білім беру, әлеуметтік қамсыздандыру, мәдениет, спорт және агроөнеркәсіптік кешен саласындағы мамандарына көтерме жәрдемақы және тұрғын үй алу немесе салу үшін әлеуметтік қолдау көрсету туралы» шешімінің күшін жою туралы.

Хабарламашы: М.Шалабаев- аудандық экономика және бюджет бөлімінің басшысы.

4. Сырым  аудандық  мәслихатының 2013 жылғы 26 желтоқсандағы №16-8 «Сырым ауданының әлеуметтік көмек көрсету, оның мөлшерлерін белгілеу және мұқтаж азаматтардың жекелеген санаттарының тізбесін айқындау қағидасын бекіту туралы» шешіміне өзгерістер енгізу туралы.

Хабарламашы: А.Байтасов - аудандық жұмыспен қамту және әлеуметтік бағдарламалар бөлімі басшысының міндетін атқарушы.

5. Аудандық сайлау комиссиясының мүшесі Ә.Жоламановтың арызы  туралы.

Хабарламашы: А.Галимов - аудандық мәслихат хатшысы. 

6. Аудандық мәслихаттың 2015 жылға арналған перспективалық жұмыс жоспары туралы.

Хабарламашы: А.Галимов - аудандық мәслихат хатшысы.

7.  Сырым ауданының Құрмет грамотасымен наградтау туралы

Хабарламашы: А.Галимов - аудандық мәслихат хатшысы.

8. Аудандық мәслихаттың кезекті сессиясының төрағасын сайлау туралы.